Круглянскі раённы выканаўчы камітэт

Адрас: 213188, Круглае, вул. Савецкая, 34 
Тэлефон прыёмнай: 8 (02234) 79-700
Электронны адрас: rik-krugloe@krugloe.gov.by
Прэс-служба: 8 (02234) 79-700

Тэлефон "гарачай лініі": 79-593

РЭЖЫМ РАБОТЫ: з 8.00 да 17.00, абед з 13.00 да 14.00.

Электронны зварот у райвыканкам

Раённы дом культуры Гандлёва-гасцінічны комплекс "Ізумруд" Вуліца Савецкая г.Круглае
Раённы дом культуры
Гандлёва-гасцінічны комплекс "Ізумруд"
Вуліца Савецкая г.Круглае
Галоўная / Навіны / Навіны раёна
27 мая 2019

Амаль 15 тыс. валанцёраў БРСМ будуць працаваць на II Еўрапейскіх гульнях

Амаль 15 тыс. валанцёраў БРСМ будуць працаваць на II Еўрапейскіх гульнях, расказаў першы сакратар ЦК ГА "БРСМ" Дзмітрый Варанюк у эфіры тэлеканала СТБ, паведамляе БЕЛТА.

"Нашы маладыя людзі будуць задзейнічаны і ў якасці сцюардаў на буйнейшых падзеях, і ў якасці памочнікаў ГУУС пры ахове грамадскага правапарадку, будуць дапамагаць транспартнікам пры рэгуляванні пасажырапатоку ў сталіцы. Яны актыўна ўдзельнічаюць цяпер у эстафеце перадачы "Полымя міру". Студэнцкія атрады будуць працаваць непасрэдна ў пунктах харчавання для спартсменаў. Нашы сэрвісныя атрады з Магілёва, Мінска таксама будуць прымаць удзел. Таму дэсант у нас вельмі вялікі - амаль 15 тыс. чалавек, прычым не толькі з Мінска, але і з усёй Беларусі. Гэта і студэнты, і некаторыя старшакласнікі, ёсць і працуючая моладзь", - расказаў Дзмітрый Варанюк.

БРСМ актыўна рыхтуецца да святкавання 75-годдзя вызвалення Беларусі ад нямецка-фашысцкіх захопнікаў. "Актыўная фаза праекта пад назвай марафон "75" будзе ў чэрвені. Па ўсіх абласцях, розных гарадах Беларусі праедзе спецыялізаваная маршрутка з музея Вялікай Айчыннай вайны - перасовачная выстаўка. Мы будзем збіраць палотнішча Перамогі. Наносіцца будуць імёны і гады жыцця Герояў Савецкага Саюза - ураджэнцаў Беларусі, а таксама поўных кавалераў ордэна Айчыны. Акрамя таго, стартаваў наш праект "Беларусь памятае", дзе кожны жадаючы можа размясціць фатаграфію свайго сваяка, прадзеда ў спецыялізаваным альбоме. Мы таксама сканіруем, пераводзім у лічбавы фармат фатаграфіі, аддаём тым, у каго засталіся старыя здымкі, і папаўняем вялікую калекцыю. Перададзім гэты альбом у музей менавіта 3 ліпеня", - адзначыў першы сакратар ЦК БРСМ.

Згодна з указам нумар 190 ад 20 мая 2019 года, статус Усебеларускай маладзёжнай будоўлі прысвоены аб'ектам сацыяльнай інфраструктуры, якія будуюцца ў Астраўцы. "Нашы маладыя людзі будуць там працаваць. На гэты момант амаль 200 чалавек, далей лічба будзе павялічвацца - да 300 мінімум. Мы туды выбіраем толькі лепшых з лепшых, тых, у каго ўжо ёсць вопыт работы ў студэнцкім атрадзе. Там работы, якія патрабуюць пэўнай спецыяльнасці ў той ці іншай сферы. У нас вялікі конкурс, і моладзь з усёй краіны хоча туды трапіць", - дадаў Дзмітрый Варанюк.

II Еўрапейскія гульні пройдуць у Мінску з 21 па 30 чэрвеня. Больш за 4 тыс. атлетаў з 50 краін разыграюць 200 камплектаў узнагарод у 15 відах спорту.-0-

НАВIНЫ БЕЛАРУСI

Усе навіны