Жніво і песні - заўседы побач!

Хлеб! Колькі сэнсу і павагі ў гэтым слове. Напэўна, ніводная рэч у жыцці чалавека не займае столькі месца, як хлебны каравай. Хлеб адлюстровывае лес і культуру народа, адносіны да сваёй зямлі.

Мінае год за годам, але ўборка збажыны заўседы застаецца, бадай, галоўнай вехай у працоўным жыцці Кругляншчыны. Уборачная страда, яе ход і вынікі – гэта амаль што галоўная з’ява ў жыцці раёна.

Пасадзіць, вырасціць і сабраць паўнаважны ўраджай – менавіта ад гэтага залежыць узровень жыцця і дабрабыт працаўнікоў  вескі. Вось і гэты год абяцае неблагі ўраджай.

І  каб прыдбаць натхнення і падтрымаць настрой працаўнікоў сельскагаспадарчай нівы самадзейныя артысты Комсеніцкага СДК, Філатаўскага СДК, раённага Дома культуры выехалі на ўборку збожжа ў палі Кругляншчыны.

Гучалі словы пашаны кіраўнікам гаспадарак, спецыялістам, вадзіцелям і камбайнёрам сельгаспрадпрыемстваў, ну і вядома – песні.

А песні – гэта заўседы цудоўны  працоўны настрой, які замацоўвае ўпэўненасць у тым, што беларускі народ атрымае добры каравай ў закрамах, а наша дзяржава будзе упэўнена крочыць наперад.

Метадыст РДК: Жвікаў П.П.

Все новости