Адрес: 213188, г. Круглое, ул. Советская, 34
Телефон приемной: 8 (02234) 79-700
Электронный адрес: rik-krugloe@krugloe.gov.by
Пресс-служба: 8 (02234) 79-700
Телефон "горячей линии": 79-593, 79-700
РЕЖИМ РАБОТЫ:с 8.00 до 17.00, обед с 13.00 до 14.00.
У вучэбнай праграме дашкольнай адукацыі прадстаўлена асобная адукацыйная галіна «Развіццё маўлення і культура маўленчых зносін», вывучэнне якой пачынаецца з групы другога ранняга ўзросту ў нерэгламентаванай дзейнасці, а з другога паўгоддзя – другой малодшай групы ў спецыяльна арганізаванай дзейнасці. Таксама азнаямленне з роднай беларускай мовай ажыццяўляецца падчас правядзення заняткаў па адукацыйнай галіне «Мастацкая літаратура», на якіх мы знаёмім выхаванцаў з першымі невялічкімі творамі на беларускай мове. Засваенне мовы адбываецца і падчас прывітання раніцай, у рэжымных момантах, у сумесных гульнях.
У маленькіх выхаванцаў маўленне ў асноўным гукапераймальнае, невялікі слоўнікавы запас. У першай малодшай групе ў час правядзення заняткаў і іншых відаў дзейнасці часцей выкарыстоўваюцца простыя гульнявыя метады і прыёмы, якія ўскладняюцца ў наступных узроставых групах.
Падтрымаць цікавасць да заняткаў, павысіць маўленчую актыўнасць выхаванцаў дапамагаюць і гульні з лялькамі Янкам і Арынкай, выкарыстанне хусткавых лялек, казачных персанажаў, правядзенне беларускамоўных дзён, святаў на беларускай мове.
Асобную цікавасць для дзяцей дашкольнага ўзросту прадстаўляюць такія святы, як «Каляды», «Гуканне вясны», якія праводзяцца на беларускай мове.
І толькі штодзённая паступовая праца з выхаванцамі па развіцці беларускага маўлення, фарміраванні нацыянальнай самасвядомасці і патрыятычных пачуццяў прыносіць станоўчыя вынікі.
Наталля Асіпёнак, выхавальнік дашкольнай адукацыі ДУА «Дзіцячы сад №3 г. Круглае».