Адрес: 213188, г. Круглое, ул. Советская, 34
Телефон приемной: 8 (02234) 79-700
Электронный адрес: rik-krugloe@krugloe.gov.by
Пресс-служба: 8 (02234) 79-700
Телефон "горячей линии": 79-593, 79-700
РЕЖИМ РАБОТЫ:с 8.00 до 17.00, обед с 13.00 до 14.00.
Амаль два дзесяцігоддзі з 1885 па 1904 год (з рэдкімі ад’ездамі) у вёсцы Лыскаўшчына, што на нашай Кругляшчыне, жыў і працаваў выдатны расійскі мастак, блізкі сябра вялікіх жывапісцаў Сурыкава, Рэпіна, Паленава, Васняцова – Мікалай Васільевіч Неўраў. 5 мая 1904 года нечакана для ўсіх ён застрэліўся. Газеты Расійскай імперыі паспяшаліся паведаміць, што самагубства адбылося з прычыны абвастрэння нервовай хваробы. Але ці ўся праўда пра смерць мастака была ў тых газетах?
Вядомы беларускі пісьменнік, лаўрэат Дзяржаўнай прэміі Беларусі і шэрагу літаратурных прэмій Віктар Карамазаў, дарэчы, наш зямляк, з Магілёўшчыны, шмат гадоў вывучаў абставіны жыцця і трагічнай смерці Неўрава ў Лыскаўшчыне. У выніку гэтай працы быў напісаны раман “Мастак і парабкі”, які ўпершыню выходзіць масавым выданнем да шырокага чытача.
У бліжэйшыя дні запланавана сустрэча пісьменніка Віктара Карамазава з жыхарамі Круглянскага раёна, якія будуць першымі чытачамі новага выдання.
