Настройкі
Настройкі шрыфту
Arial
Times New Roman
Памер шрыфту
A
A
A
Міжлітарная адлегласць
Стандартнае
Павялічанае
Вялікае
Колеравая схема
Чорным<br/>па белым
Белым<br/>па сінім
Круглянскі раённы выканаўчы камітэт
21 снежня 2018

Ганаровае віцэ-консульства Беларусі адкрылася ў Біярыцы

 Цырымонія інаўгурацыі ганаровага віцэ-консульства Беларусі прайшла 13 снежня ў мэрыі французскага горада Біярыц. Аб гэтым БЕЛТА паведамілі ў прэс-службе Міністэрства замежных спраў.

Пасол Беларусі ў Францыі Павел Латушка ва ўрачыстай абстаноўцы ўручыў ганароваму віцэ-консулу Патрыку Дурсу сцяг і герб Беларусі. Дыпламат будзе весці сваю дзейнасць у консульскай акрузе, якая ўключае ў сябе дэпартамент Атлантычныя Пірэнеі рэгіёна Новая Аквітанія.

Павел Латушка падкрэсліў, што Беларусь зацікаўлена ў развіцці ўзаемавыгадных адносін з Францыяй. Ён адзначыў прыярытэтнасць міжрэгіянальнага беларуска-французскага супрацоўніцтва, якому ў значнай меры садзейнічае дзейнасць ганаровых консульстваў дзвюх краін.

На цырымоніі прысутнічалі кіраўніцтва мэрыі, дэпутаты Нацыянальнай асамблеі Францыі і гарадскога савета, прадстаўнікі мясцовых улад, дзелавых колаў, консульскага корпуса Біярыца, а таксама беларускай дыяспары. У час мерапрыемства прайшла прэзентацыя эканамічных магчымасцей беларуска-французскага супрацоўніцтва і турыстычнага патэнцыялу Беларусі.

Усе навіны