У Беларусі распрацоўваюць меры па скарачэнні тэрміну рэгістрацыі лякарстваў

"Мы павінны шмат папрацаваць, каб значна зменшыць колькасць незарэгістраваных лекавых прэпаратаў, якія ўвозяцца ў краіну. У гэтай частцы цяпер рыхтуецца ўказ па распрацоўцы мер па больш паскоранай рэгістрацыі лекавых прэпаратаў. Тут мы павінны быць больш мабільнымі і адкрытымі", - сказаў Валерый Малашка. 

Што датычыцца нарматыўнай дакументацыі, рэгулюючай працэдуру закупак, унесены шэраг змяненняў. Паводле слоў міністра, гэта дае магчымасць зрабіць працэс больш празрыстым і зразумелым для ўсіх суб'ектаў. 

У жніўні 2018 года быў зацверджаны ўказ нумар 345, які прадугледжвае ўвядзенне ў 2018-2020 гадах механізму абавязковай рэгістрацыі гранічных адпускных цэн вытворцаў на лекавыя сродкі, што прымяняюцца для лячэння анкалагічных і сардэчна-сасудзістых захворванняў. Як адзначыў Валерый Малашка, дзякуючы ўказу дасягнуты добрыя рэзультаты, ёсць істотнае зніжэнне цэн на адпаведныя прэпараты. "Ставім задачу, каб гэту практыку пашыраць на іншыя групы лякарстваў, а таксама вырабы медыцынскай тэхнікі", - сказаў ён.-0-