Дожинки
15 верасня ў аграгарадку Запруддзе прайшло галоўнае хлебаробскае свята – раённы фестываль-кірмаш працаўнікоў вёскі “Дажынкі”. У гонар гэтага свята ў дадзеным населеным пункце была закладзена алея з 24 клёнаў каля помніка воінам-землякам, загінуўшым у гады Вялікай Айчыннай вайны, а таксама ўстаноўлены памятны знак – камень-валун з надпісам “Запруддзе. Дажынкі-2017”.
Афіцыйная частка мерапрыемства пачалася з параду пераможцаў раённага спаборніцтва ўдзельнікаў уборкі ўраджаю. З словамі падзякі і віншавання да ўдзельнікаў жніва звярнуліся старшыня райвыканкама Анатоль Леанідавіч Шчуплянкоў, начальнік галоўнага ўпраўлення арганізацыйна-кадравай работы аблвыканкама Ігар Міхайлавіч Аўсеенка, начальнік аддзела ветэрынарыі камітэта па сельскай гаспадарцы і харчаванню Магілёўскага аблвыканкама Шырокі Васіль Леанідавіч.
На галоўнай сцэне свята прайшло ўшаноўванне лепшых раённых гаспадарак, працаўнікоў вёскі, якія перамаглі ў калектыўным і індывідуальным спаборніцтве на жніве.
Завяршылася мерапрыемства вялікай канцэртнай праграмай у рамках рэспубліканскай народна-патрыятычнай акцыі Федэрацыі прафсаюзаў Беларусі “Мы – разам!”