Адрас: 213188, Круглае, вул. Савецкая, 34
Тэлефон прыёмнай: 8 (02234) 79-700
Электронны адрас: rik-krugloe@krugloe.gov.by
Прэс-служба: 8 (02234) 79-700
Тэлефон "гарачай лініі": 79-593
РЭЖЫМ РАБОТЫ: з 8.00 да 17.00, абед з 13.00 да 14.00.
Нацыянальны банк Беларусі зацвердзіў інструкцыю аб правядзенні працэдур аддаленай ідэнтыфікацыі і аддаленага абнаўлення (актуалізацыі). Адпаведная пастанова праўлення Нацбанка ад 17 кастрычніка 2019 года нумар 426 афіцыйна апублікавана на Нацыянальным прававым інтэрнэт-партале, паведамляе БЕЛТА.
Інструкцыя вызначае выпадкі і ўмовы правядзення карыстальнікамі міжбанкаўскай сістэмы ідэнтыфікацыі (МСІ) працэдуры аддаленай ідэнтыфікацыі кліентаў з выкарыстаннем біяметрычных даных, а таксама выпадкі правядзення аддаленага абнаўлення даных аб кліентах.
Карыстальнікі МСІ - гэта Нацбанк, банкі, нябанкаўскія крэдытна-фінансавыя арганізацыі, Банк развіцця, лізінгавыя і мікрафінансавыя арганізацыі, форэкс-кампаніі, Нацыянальны форэкс-цэнтр.
Працэдуры аддаленай ідэнтыфікацыі і аддаленага абнаўлення праводзяцца са згоды кліента, яго прадстаўніка на правядзенне такіх працэдур, а таксама згоды на збор, апрацоўку, прадастаўленне і выкарыстанне даных, у тым ліку біяметрычных.
Згода на правядзенне працэдуры аддаленай ідэнтыфікацыі прадастаўляецца кліентам у электронным выглядзе з выкарыстаннем сродкаў электроннага лічбавага подпісу або без іх выкарыстання з прымяненнем праграмна-апаратных сродкаў і тэхналогій.
Пастановай таксама вызначана, што згода на апрацоўку даных дзейнічае на працягу 5 гадоў з даты яе прадастаўлення і павінна быць атрымана карыстальнікам МСІ да пачатку правядзення працэдуры аддаленай ідэнтыфікацыі або працэдуры аддаленага абнаўлення (актуалізацыі).
Пастанова ўступае ў сілу пасля яе афіцыйнага апублікавання.-0-
