Адрас: 213188, Круглае, вул. Савецкая, 34
Тэлефон прыёмнай: 8 (02234) 79-700
Электронны адрас: rik-krugloe@krugloe.gov.by
Прэс-служба: 8 (02234) 79-700
Тэлефон "гарачай лініі": 79-593
РЭЖЫМ РАБОТЫ: з 8.00 да 17.00, абед з 13.00 да 14.00.
Тэма малой радзімы аказалася вельмі блізкай беларусам, знайшла ў іх шырокі водгук. Такое меркаванне карэспандэнту БЕЛТА выказаў кампазітар і прадзюсар Яўген Алейнік.
Аўтарскі калектыў у складзе Юліі Быкавай і Яўгена Алейніка, аўтараў музыкі і тэкстаў песень, удастоены прэміі "За духоўнае адраджэнне" за ўвасабленне тэмы малой радзімы ў сучасным эстрадным мастацтве, стварэнне цыкла высокамастацкіх вакальных твораў патрыятычнага напрамку. Квінтэсенцыяй стаў альбом "Куточак Беларусі", які рыхтуецца да выпуску. "Тэма малой радзімы аказалася вельмі папулярнай, як кажуць музыканты, "пайшла ў народ". Мы гэта адчулі ў сваёй творчасці, бо яна адлюстроўвае рэальнае жыццё. Мы не змаглі б напісаць так многа песень пра малую радзіму, калі б на тэму не было такога попыту сярод артыстаў і публікі. Яна аказалася блізкай, знайшла водгук", - адзначыў Яўген Алейнік.
У стварэнні альбома прыняла ўдзел вялікая колькасць артыстаў і музыкантаў, як ужо вядомых, так і пачынаючых. У іх ліку Анатоль Ярмоленка, Аляксандр Саладуха, Алёна Ланская, Іна Афанасьева, Вікторыя Алешка, Іскуі Абалян, вакальная група "Чысты голас" і група "Дразды", а таксама Вольга Сацюк, Руслан Асланаў, Alen Hit, Анжаліка Пушнова і іншыя. "Тэма малой радзімы кранула ўсіх. Іскуі Абалян, калі запісвалі песню "Мама", расплакалася і прыйшлося на паўгадзіны перапыніць работу", - расказаў Яўген Алейнік.
Ён звярнуў увагу, што ў альбом увайшлі песні, запісаныя задоўга да аб'яўлення Года малой радзімы. Напрыклад, "Я люблю Беларусь!", з якой Настасся Віннікава выступала на "Еўрабачанні" ў 2011 годзе, або "Разам" - яе Алёна Ланская і Дарыя выконваюць з 2016 года. Кампазітар падкрэсліў, што альбом "Куточак Беларусі" прысвечаны ў першую чаргу любові - да мамы, малой радзімы, жыцця. Ён створаны намаганнямі музыкантаў, якія насуперак нездароваму фону і не дзеля хайпа гатовы нагадваць пра агульначалавечыя каштоўнасці, прыгожыя, добрыя і вечныя тэмы. У далейшым Яўген Алейнік і Юлія Быкава маюць намер выпусціць яшчэ адзін такі альбом, куды плануюць уключыць не толькі свае песні, але і створаныя пад іх творчай эгідай.-0-
